| | 如同昨日所說的
今日係去踩單車．．．．．．
１７３旅深資搞的單車活動，再另外叫退旅了的朱宗一齊黎踩
８：３０出門口，９：１５去到大埔火車站，去商場搵大家樂食個早餐
１０：１０等齊人出發，坐巴士入「大尾篤」，可恉現在全部改曬名做「大美督」
雖然是同音，但意義完全不同了．．．．．．．
雖然環境都算優美．．．．．．
想當年讀中五，５Ｂ班搞的最後一次燒烤旅行就係去大尾篤
今日在到這地方，都無咩特別大改變．．．．．．
多左一ｄ橙色既垃圾桶，當年放在路邊的關公像都不見了
原本唔知道，但一踩，就發現原來池樂唔係好識踩單車．．．．．．．
慢唔緊要，根本唔放擔去踩，再加上本身既體力
成為左全ｔｅａｍ人既負累．．．．．．
時不時就要等佢休息．．．．．．．
終於，去到某一個落斜位抄車了．．．．．．
抄車後，佢個袋入面既寶礦力都倒潟了出來
個袋入面所有野都濕曬，其他人負責照顧傷者，我就去左照顧佢個袋．．．．．
袋入面有ｇａｍｅ書，有ｐｓｐ．．．．．．
ｐｓｐ濕左抹乾左先
因為佢抄車位置對到正個垃圾桶，正好將袋入面既野放曬上頂．．．．．．．
反正ｇａｍｅ書濕左，有人提意唔好要，但依本ｇａｍｅ ｗａｖｅ附送埋美女海報
咁就不如將海報貼係垃圾桶到，等其他人落斜時掛住望海報都抄埋一份．．．．．．．
如下圖吧
 其實斜路只係長，一ｄ都唔斜
基本上個位置係落完斜既轉彎位出事，如圖左邊有綠色垃圾桶做左手腳，傷者在右邊坐下
這圖可見到該海報多性感．．．．．．．
真係好希望有人掛住望海報出事．．．．．．
傷者可以支持落去
咁咪踩出市區，買個飯盒，坐係公園食左去
食完飯，吹完水，補給完，繼續回程．．．．．．．
直到回程時，ｇａｍｅ書仲未被人拎走．．．．．．．
總結，今日天色很好，藍天白雲，夏天氣色
最後都係冇踩去水霸，兩年前冇時間去，今日因為有傷者都係冇去，真係無乜緣份．．．．．．
去到４點幾，出返黎火車站，班人打ｐｓｐ，該傷者既ｐｓｐ因為入「水」，估計報銷了
就係咁，陪池樂同朱宗兩個係九龍灣落車，去ｍｅｇａｂｏｘ睇池樂玩一陣三國志大戰
（睇黎該傷對佢冇乜影響，最大影響都只係部ｐｓｐ）
期間，係ｍｅｇａｂｏｘ間機舖撞到中學同學們，真難得．．．．．．．
朱宗中途離開，池樂話要行去開啟業，咁咪陪佢行埋囉，順便我行返去彩虹
就係咁，成日踩完單車仲要咁樣行一行
返到屋企散左．．．．．．．．
隻腳攰唔洗講，雙手加條頸都曬到傷左
嗯．．．．．．８月３號，係７月初三，所以月色很彎．．．．．
對了８月４號會考放榜，這日去動漫節應該人流最少．．．．．．
ａｐｍ繼續搞佢個放榜前的一個晚上
行政長官仲呼籲考生唔好介懷分數，正如佢唔介懷民望一樣喎．．．．．．．
等ｃｏｄｅ ｇｅａｓｓ第１７集ｄｏｗｎ完睇埋就可以早點訓教休息．．．．．．
|
| | Posted 8/3/2008 10:41 PM - 18 Views - 2 eProps - 1 Comment
- recommend
  - recs0
- share
- email
 - sent0
|
